श्री यो जो जससंग सम्बन्धित छ ।

सुर्खेत जिल्ला गुर्भाकोट नगरपालिका अन्तर्गत श्री नेपाल राष्ट्रिय प्राथमिक विद्यालय भुल्के गुर्भाकोट ९ सुर्खेत विद्यालयमा रिक्त रहेको प्राथमिक तह एकिकृत विषयको शिक्षक पदमा सरुवाको प्रकृया अगाडी बढाइदिन भनी विद्यालयको च.नं. मिति २०८१।०२।२४ गतेको पत्रबाट अनुरोध भई आएकोले सम्बन्धित तह र विषयका योग्यता पुगेका स्थायी शिक्षकहरुबाट यो सूचना प्रकाशित भएको मितिले पन्ध्र दिन भित्र शिक्षा नियमावलीको अनुसूची १७ बमोजिमको ढाँचामा सम्बन्धित विद्यालय, स्थानिय तह र शिक्षा विकास तथा समन्वय इकाइको सहमति सहित सम्बन्धित विद्यालयमा निवेदन दिन शिक्षक सरुवा सम्बन्धी निर्देशिका, २०८१ को द ९ बमोजिम सम्बन्धित सबैको जानकारीको लागि यो सूचना प्रकाशन गरिएको छ ।

पुनश्च

1. तोकिएको म्याद भित्र विद्यालयको इमेल nerapravibhulke@gmail.com मार्फत समेत निवेदन पेश गर्न सकिनेछ  ।
2. म्याद नाघी वा तोकिए बमोजिमको रित नपुगी प्राप्त हुन आएको निवेदन माथि कुनै कारबाही हुने छनै ।

वडा स्तरीय योजना तर्जुमा सम्बन्धमा ।

स्थानीय सरकार सञ्चालन ऐन, २०७४ अनुसार हरेक स्थानीय तहले योजना निर्माण गर्दा देहायका विषयहरुलाई प्राथमिकता दिई बनाउनुपर्ने उल्लेख छ । स्थानीय तहको योजना तर्जुमा दिग्दर्शन, २०७८ बमोजिम योजना तथा बजेट तर्जुमाका ७ चरणरुको विषयमा अवगत नै छ । उल्लेखित चरणहरुको कार्यान्वयन सम्बन्धमा । वस्ती/टोल स्तरबाट योजना  छनोट र वडा स्तरीय योजना प्राथमिकता निर्धारण गर्ने सम्बन्धमा सोही कार्यविधिको अनुसूची ११ अनुसूची २३ क, अनुसूची २३ ख र अनुसूची २४ बमोजिम वस्ती /टोल स्तरबाट योजना तर्जुमा तथा छनोट प्रक्रिया अगाडि बढाउनुुहुन अनुरोधछ ।

प्राथमिकताका आधारहरु

• आर्थिक विकास तथा गरिबी निवारणमा प्रत्यक्ष योगदानज पुग्ने
• उत्पादनमूलक तथा छिटो प्रतिफल प्राप्त गर्न सकिने
• जनताको जीवनस्तर आम्दानी र रोजगारी बढ्ने
• स्थानीय बासिन्दाहरुको सहभागिता जुट्ने, स्वयं सेवा परिचालन गर्न सकिने तथा लागत कम लाग्ने
• स्थानीय स्रोत, साधन र सीपको अधिकतम प्रयोग हुने
• महिला, बालबालिका तथा पिछडिएका वर्ग, क्षेत्र र समुदायलाई प्रत्यक्ष लाभ हुने
• दिगो विकास, वातावरणीय संरक्षण तथा सम्वर्दन गर्न सघाउ पुर्‍याउने
• भाषिक तथा सांस्कृतिक पक्षको जगेर्ना र सामाजिक सदभाव तथा एकता अभिवृद्धिमा सघाउ पुर्‍याउने ।