श्री यो जो जससंग सम्बन्धित छ ।

सुर्खेत जिल्ला गुर्भाकोट नगरपालिका अन्तर्गत श्री लक्ष्मी आधारभूत विद्यालय  ओखले गुर्भाकोट -५, सुर्खेत विद्यालयमा रिक्त रहेको प्राथमिक तहको शिक्षक पदमा सरुवाको प्रकृया अगाडी बढाइदिन भनी विद्यालय व्यवस्थापन समितिको मिति २०८१।०७।०८ गतेको निर्णय, च.नं. ३६ र मिति २०८१।०७।०८ गतेको पत्रबाट अनुरोध भई आएकोले सम्बन्धित  तहमा कार्यरत स्थायी शिक्षकहरुबाट यो सूचना प्रकाशित भएको मितिले पन्ध्र दिन भित्र शिक्षा नियमावलीको अनुसूची १७ बमोजिमको ढाँचामा सम्बन्धित विद्यालय, स्थानीय तह र शिक्षा विकास तथा समन्वय ईकाईको सहमति सहित सम्बन्धित विद्यालयमा निवेदन दिन शिक्षक सरुवा सम्बन्धी निर्देशिका, २०८१ को दफा ९ बमोजिम सम्बन्धित सवैको जानकारीको लागि यो सूचना प्रकाशन गरिएको छ ।

उपरोक्त सम्बन्धमा । यस गुर्भाकोट नगरपालिकाको मिति २०८१।०६।२० गतेको आशयपत्रको सूचना बमोजिम नगरपालिका भित्रका वडाहरुमा फोहोर मैला व्यवस्थापन सम्बन्धी कामको लागि तपसिलमा उल्लेखित फर्म, व्यवसायी छनौट भएकोले, सम्झौताका लागि धरौटी रकम जम्मा गरेको भौचर सहित, १५ दिन भित्र यस कार्यालयमा आउनको लागि यो सूचना प्रकाशित गरिएको छ ।

प्रस्तुत विषयमा गुर्भाकोट नगरपालिका कृषि शाखा शुभाघाट सुर्खेतको आ.व. २०८१।०८२ को स्वीकृत वार्षिक कार्यक्रम अनुसार खाद्यान्न बाली तर्फ गहुँको वीउ वितरण गर्नुपर्ने कार्यक्रम भएकोले ७ दिन भत्रि यस कार्यालयमा गहुँको वीउ उत्पादक कृषक समूह, सहकारी, वीउ उद्योग तथा फर्महरुले दरभाउ पत्र उपलब्ध गराइदिनुहुन अनुरोधछ ।

गुर्भाकोट नगरपालिका कृषि शाखा शुभाघाट सुर्खेतकको आ.व. २०८१।०८२ को स्वीकृत वार्षिक कार्यक्रम अनुसार ५०% अनुदानमा गहुँको उन्नत वीउ अनुदानमा वितरण गर्ने कार्यक्रम रहेको हुँदा सो कार्यक्रम सहभागि हुने कृषक, कृषक समूह, कृषि फर्म र कृषि सहकारीहरुले तपसिल अनुसार आवश्यक कागजात सहित यो सूचना प्रकाशन भएको मितिले २१ दिन अर्थात (मिति २०८१ कार्तिक ५ गते) कार्यालय समय भित्र रितपूर्वक यस शाखामा  निवेदन पेश गर्नुहुन यो सूचना प्रकाशन गरिएको जानकारी गराइन्छ । धन्यवाद !